Текст песни N.R.M. - На вуліцы маёй

Над гэтай вулiцай сонца,
Над гэтай вулiцай дождж i вецер,
Над гэтай вулiцай сьнег i сьцюжа,
На гэтай вулiцы бэз цьвiце.

На гэтай вулiцы цёмна,
Бо лiхтары не функцыянуюць,
I калi ты вяртаесься позна дадому,
Рызыкуеш нарвацца на непрыемнасьць.

На вулiцы маёй -
Вулiцы дзяцiнства.
На вулiцы маёй -
Вулiцы юнацтва.
На вулiцы травеньскiх песень,
На вулiцы студзеньскiх сноў.

На гэтай вулiцы сьвята,
I розныя людзi сталага веку
Сьпяваюць свае ўлюбёныя песьнi,
Граюць на баянах полькi свае.

На вулiцы маёй -
Вулiцы дзяцiнства.
На вулiцы маёй -
Вулiцы юнацтва.
На вулiцы травеньскiх песень,
На вулiцы студзеньскiх сноў.

Будуюць новыя гмахi,
I з кожным днём, i з кожным годам
Мне ўсё цяжэй i цяжэй
Знайсьцi сваю вулiцу i пазнаць.

Вуліцу маю -
Вулiцу дзяцiнства.
Вуліцу маю -
Вулiцу юнацтва.
Вулiцу травеньскiх песень,
Вулiцу студзеньскiх сноў.