Тойдемар (Стекольников), Павел Степанович (14 Пеледыш 1889 — 18 Вӱдшор 1958) — икымше профессионал марий мурызо. Кожлаер ялыште Морко кундемыште шочын.
1919 ийыште армиеш каен. Кӱсле да свирельым пелен налын. Армий деч вара Марий театрыште пашам ыштен. 1927 ийыште Марий Кужер телефильмыште рольым модын. Тудын рольже - самырык рвезе, кӱслезе. 1930 ийыште Москвасе Шыжа революций лӱмеш музык училищыш тунемаш пурен. Вара тушечын Новосибирск олашке пашам ышташ куснен.
1940 ийыште Йошкар-Олаш пӧртылен. 1958 ий марте Марий филармонийыште пашам ыштен, кӱслезе ансамблем вуйлатен. Ӱзгар ансамблын шот-радамым кучаш икымше гана 1920 ийыште А. Мамуткин да Н. Смирнов дене пырля тыршен. Шкеже шӱвыр дене шоктен, Мамуткин - скрипке дене да Смирнов музекан дене.
1944 ий гычын Павел Тойдемар сулло Марий АССРын артистше.
1949 ий гычын МАССРын калыкын артистше.
