1-ci hissə
Bu histeriya, biləklərdə gedənlərin izləri,
Üzümdəki zəhrimarı gülüşlərim gizlədir,
"Rap küçədir, rap söyüşdür" deyənlərin özləri
Televiziyida intim, cizgi filmdə porno göstərir.
Səni yaşadır şəkillər və qanlı paranoya,
Sənlə mən - Palifemus və Galateia
Sən şəhid olanda anladım ki, heç də elə deyilmiş,
Ölənlərlə ölünmür deyən yalan deyirmiş.
Sinirlərim pərakəndə, içalatım da xərabədir,
Əsərlərim əsrlərlə torpaq altda kitabədir.
Batil inisiasiyalarda cadu qatıb hədislərə,
Tökdülər hegamon orduları sonsuz dənizlərə.
Seneqoqlarda rituallar və aydınlatma ayinləri,
Yahovanın müridləri, Baphometin kahinləri.
Epilepsiya, katatoniya - nə axtarsan məndə var,
Onlarda bakirəlik ruhda yox, bədəndə var.
2-ci hissə
Mən fonoqrama əzanlardan iyrənirəm,
Gündə bir qadına şeir yazanlardan iyrənirəm.
Kürəyimdə dostlarımdan xatirədir bıçaq izləri,
Onlar demokratik şoularda üçbucaq gizlədir.
Mediadan beyinlərə, beyinlərdən əməllərə,
O yayılır şüalarla ən ucqar şəhərlərə,
O inanclarda, baş kəsilən dinlərdə gizlənir,
Tərsdən hərflərdə, porno filmlərdə gizlənir.
O gizlənir iynələr və seks, süni endorfində,
Piramidalarda, dovşan başlı pedofillər.
Bir iki şair var ki, səfildi qarşı çıxdı deyə,
Oxuduqca anladıq və ruhumuz da çıxdı göyə.
Bir Tanrı var dedik, önündə dizi yerə vurduq biz.
Səmalarında Qartal, torpağında Qurduq biz !
Və pərdələr bağlanır. Bu sükunətin başlanğıcı idi. Kahin gələnə qədər də o sükunət davam edəcək...
