Текст песни The Purcell Consort of Voices - Franc cuer gentil - Guillaume Dufay

Franc cuer gentil, sur toutes gracieuse,
Riche d'honneur et de tous biens garnie,
A vous me rens, a vous du tout me lye,
N'autre ne quier jamais pour amoureuse.

Car vous estés ma pensee joyeuse,
Haultain secours en qui du tout me fye,
Franc cuer [gentil, sur toutes gracieuse,
Riche d'honneur et de tous biens garnie.]

Or vueillez donc vers moy estre piteuse,
Je qui vous ay sur toute autre choisye,
Soyez la mire a ma grant maladie
Et ne souffrez ma vie estre ennuieuse.

Franc cuer [gentil, sur toutes gracieuse,
Riche d'honneur et de tous biens garnie,
A vous me rens, a vous du tout me lye,
N'autre ne quier jamais pour amoureuse.]