Cuando el Rey Nimrod al campo salía
miraba en el cielo y en la estrellería
vido una luz santa en la judería
que había de nacer Abraham Avinu.
Abraham Avinu, Padre querido
Padre bendijo, luz de Israel.
Luego a las comadres encomendaba
que toda mujer que preñada quedara
si no pariera al punto, la matara
que había de nacer Abraham Avinu.
Abraham Avinu, Padre querido
Padre bendijo luz de Israel.
La mujer de Terach quedó preñada
y de día en día él le preguntaba
¿De qué tenéis la cara demudada?
ella ya sabía bien qué tenía.
Abraham Avinu, padre querido
Padre bendijo luz de Israel.
En fin de nueve meses parir quería
iba caminando por campos y viñas,
a su marido tal ni le descubría
topó una meara, allí lo pariría
Abraham Avinu, Padre querido
Padre bendijo luz de Israel.
En aquella hora el nacido hablaba
"Andáos mi madre, de la meara
yo ya topo quién me alejara
mandará del cielo quien me acompañará
porque soy criado del Dios bendito."
Abraham Avinu, Padre querido
Padre bendijo luz de Israel.
