Текст песни Алим Газаев - Келин келген той джыр

Музыка Омара Отарова, стихи Ибрагима Маммеева.

Келинни алыб келебиз, джол беригиз!
Эй, бек ариуун сайлагъанбыз, ма кёрюгюз!

Къолан кюйюню джайыгъыз джолубузгъа,
Эй, алгъыш аякъ тутдуругъуз къолубузгъа!

Келин келед, юйге киред, джол къоюгъуз!
Эй, той этигиз, къонакълагъа къой союгъуз!

Къууанч келед, эшиклени кенг ачыгъыз!
Эй, юйню тюбюне ариу гюллени чачыгъыз!

Алыб келебиз сизге кёгюрчюнчюкню,
Эй, он бармагъындан бал тамгъан келинчикни.

Насыбха эшик ачыгъыз, джол къоюгъуз!
Эй, огъурлу кюнде этилсин бу тоюгъуз!

Огъурлу болсун келинни аякъ ызы!
Эй, кёб болсунла аны табхан джашы, къызы!

Хар заманда ачыкъ болсун кёзю, къашы!
Эй, берекетли болсун къолу, этген ашы!

Насыбдан толтурсун сизни келинигиз!
Эй, аны бла махтансын саулай элигиз!

Сюйгенлеригиз бютюн да бек сюерча,
Эй, сюймегенле ачыудан тобукъ тюерча.

Зауукълу джашагъыз келинигиз бла!
Эй, биз кёб алгъыш этебиз кёлюбюз бла.

Насыбха эшик ачыгъыз, джол къоюгъуз!
Эй, огъурлу кюнде этилсин бу тоюгъуз!