Текст песни Старая башкирская песня - hин минен hагыштарым.

Аҡты ташып,аҡты ярһып ҡар һыуҙары,
Шулдыр инде яҙҙың шашып ярһыуҙары.
Аҡты беҙҙең ҡар өҫтөндә ҡалған эҙҙәр,
Аҡты илап икәү бергә һалған эҙҙәр…

Ҡушымта:

Һин – ғүмер ағыштарым,
Һин – минең һағыштарым,
Һин – минең шатлыҡ илем,
Юғалтыу, табыштарым;
Һин - ғүмер ағыштарым.

Яҙҙар килә, яҙҙар китә, һыуҙар аға,
Айҙар, йылдар аҡҡан һыуҙар кеүек аға,
Һыуҙарҙың да, айҙарҙың да, йылдарҙың да,
Ағышынан эҙҙәр ҡала, эҙҙәр ҡала.

Ҡушымта.

Һин – ғүмер ағыштарым,
Һин – минең һағыштарым,
Һин – минең шатлыҡ илем,
Юғалтыу, табыштарым;
Һин - ғүмер ағыштарым.

Бына инде ҡырҙар гөрләп сәскә ата,
Йәйге нурҙар уйнай гөлдәр араһында,
Аға һыуҙар, айҙар аға, йылдар аға,
Һине күрәм айҙар, йылдар ҡарашында.