Хвалите имя Господне, хвалите, раби Господа. Аллилуя(3)
Стоящии во храме Господни, во дворех дому Бога нашего. Аллилуя(3)
Хвалите Господа, яко Благ Господь, пойте имени Его, яко добро. Аллилуя(3)
[Яко аз познах, яко Велий Господь, и Господь наш над всеми боги. Аллилуя(3)
Благословен Господь от Сиона, живый во Иерусалиме. Аллилуя(3)]
Исповедайтеся Господеви, яко благ. Аллилуя.
Яко в век милость Его. Аллилуя.
Исповедайтеся Богу богов. Аллилуя.
Яко в век милость Его. Аллилуя.
Исповедайтеся Господеви господей. Аллилуя.
Яко в век милость Его. Аллилуя.
[Сотворшему чудеса велия Единому. Аллилуя.
Яко в век милость Его. Аллилуя.
Сотворшему небеса разумом. Аллилуя.
Яко в век милость Его. Аллилуя.
Утвердившему землю на водах. Аллилуя.
Яко в век милость Его. Аллилуя.
Сотворшему светила велия Единому. Аллилуя.
Яко в век милость Его. Аллилуя.
Солнце во область дне. Аллилуя.
Яко в век милость Его. Аллилуя.
Луну и звезды во область нощи. Аллилуя.
Яко в век милость Его. Аллилуя.]
Поразившему Египта с первенцы его. Аллилуя.
Яко в век милость Его. Аллилуя.
И изведшему Израиля от среды их. Аллилуя.
Яко в век милость Его. Аллилуя.
[Рукою крепкою и мышцею высокою. Аллилуя.
Яко в век милость Его. Аллилуя.]
Раздельшему Чермное море в разделения. Аллилуя.
Яко в век милость Его. Аллилуя.
И проведшему Израиля посреде его. Аллилуя.
Яко в век милость Его. Аллилуя.
[И истрясшему фараона и силу его в море Чермное. Аллилуя.
Яко в век милость Его. Аллилуя.]
Проведшему люди Своя в пустыни. Аллилуя.
Яко в век милость Его. Аллилуя.
[Поразившему цари велия. Аллилуя.
Яко в век милость Его. Аллилуя.
И убившему цари крепкия. Аллилуя.
Яко в век милость Его. Аллилуя.
Сиона, царя Аморрейска. Аллилуя.
Яко в век милость Его. Аллилуя.
И Ога, царя Васанска. Аллилуя.
Яко в век милость Его. Аллилуя.]
И давшему землю их достояние. Аллилуя.
Яко в век милость Его. Аллилуя.
Достояние Израилю, рабу Своему. Аллилуя.
Яко в век милость Его. Аллилуя.
[Яко во смирении нашем помяну ны Господь. Аллилуя.
Яко в век милость Его. Аллилуя.]
И избавил ны есть от врагов наших. Аллилуя.
Яко в век милость Его. Аллилуя.
[Даяй пищу всякой плоти. Аллилуя.
Яко в век милость Его. Аллилуя.]
Исповедайтеся Богу Небесному. Аллилуя.
Яко в век милость Его. Аллилуя.
