Текст песни Бибисара Азаматова - Йэшэргэ лэ эле йэшэргэ

ЙӘШӘРГӘ ЛӘ ӘЛЕ ЙӘШӘРГӘ
Ғүмерҙәрҙе айҙар, йылдар һанай,
Һанай уны сәғәт, минуттар.
Ғүмерҙән дә оҙон ниҙәр бар һуң,
Ғүмерҙән дә ҡыҫҡа ниҙәр бар?
Ғүмер берәү, икәү түгел, ғүмер,
Йәшендәрҙәй кәрәк йәшәргә.
Шул ғүмерҙең ҡәҙерҙәрен белеп,
Йәшәргә лә әле йәшәргә.
Ай, белмәйбеҙ уның ҡәҙерҙәрен,
Йүгереп кенә үтеп китә ул.
Йөҙөбөҙгә йыйырсыҡтар һала,
Сәсебеҙгә салдар керетә ул.
Көйҙәрҙең дә моңо бөтөп бара,
Төҫтәрҙең дә төҫө юғала.
Ниҙәр булды икән был ғүмергә,
Ниҙәр булды икән донъяға?